ലോകത്തിലെ ഏറ്റവും വില കൂടിയ ഭീമൻ ഞണ്ടിനെക്കുറിച്ചുള്ള വാർത്തയാണ് മാധ്യമങ്ങളില്‍. 46000 ഡോളറാണ് ഈ ഭീമൻ ഞണ്ടിന് വില വരുന്നത്. ഏകദേശം 33 ലക്ഷം രൂപ. ഒന്നരക്കിലോയോളം വരുന്ന ഭീമൻ ഞണ്ടിനെ സ്നോ ക്രാബ് എന്ന പേരിലാണ് അറിയപ്പെടുന്നത്.
ജപ്പാനിലെ ടോട്ടോറിയിലെ വിപണിയില്‍ എല്ലാ വർഷവും ഞണ്ടുലേലം നടക്കാറുണ്ട്. എന്നാല്‍ ഇത്തവണയാണ് ഇത്രയും വലിയ വിലക്ക് ഭീമൻ ഞണ്ട് വിറ്റുപോകുന്നത്. ഞണ്ടിനെ മാത്രമല്ല, ട്യൂണ, എന്നിവയും ഈ ലേലത്തിൽ വലിയ വിലക്ക് വിറ്റുപോകാറുണ്ട്.
ഇത്രയും വലിയ തുകയ്ക്ക് ഇത് ആദ്യമായാണ് ഈ ഭീമൻ ഞണ്ട് വിറ്റുപോകുന്നതെന്ന് പ്രദേശത്തെ സർക്കാർ ഉദ്യോഗസ്ഥനായ ഷോട്ടാ ഇനമോണോയും പറയുന്നു.
ഭീമൻ ഞണ്ടിനെ ജപ്പാനിലെ ഗിൻസാ ജില്ലയിലെ ഒരു റെസ്റ്റോറന്റിൽ കറിയാക്കി മാറ്റാനാണ് ഇപ്പോഴത്തെ തീരുമാനം.
