ഇനിമുതല്‍ റേഷന്‍ കടകള്‍ വഴി ബാങ്കിംഗ് സേവനവും. ഇപോസ് മെഷീനുമായി ബന്ധപ്പെടുത്തി ആധാര്‍ അധിഷ്ഠിതമായാകും ബാങ്കിംഗ് സേവനം നടപ്പിലാക്കുക. ഇക്കാര്യത്തില്‍ വിശദമായ ചര്‍ച്ചകളും നടപടി ക്രമങ്ങളും ആരംഭിച്ചു.
തിരുവനന്തപുരം, എറണാകുളം ജില്ലകളിലാണ് ഈ പദ്ധതി ആദ്യഘട്ടത്തില്‍ നടപ്പിലാക്കുക. പണം സ്വീകരിക്കല്‍, നിക്ഷേപിക്കല്‍ ഫോണ്‍ റീച്ചാര്‍ജിംഗ്, അക്കൗണ്ടില്‍ നിന്ന് മറ്റ് അക്കൗണ്ടിലേക്കുള്ള കൈമാറ്റം, വിവിധ ബില്ലുകള്‍ അടയ്ക്കല്‍ എന്നീ സേവനങ്ങളാണ് ഇനി റേഷന്‍ കടകള്‍ വഴി ലഭ്യമാകുക.
എസ്ബിഐ, എച്ച്ഡിഎഫ്‌സി, കൊടാക് മഹീന്ദ്ര, ഫിനോ പേമെന്റ്‌സ് ബാങ്ക്, ബാങ്ക് ഓഫ് ബറോഡ എ്‌നനിവയുമായി സഹകരിച്ചാകും സേവനങ്ങള്‍ ലഭ്യമാകുക. ബാങ്കുകളുമായി ഉടന്‍ ധാരണയിലെത്തുമെന്നാണ് സൂചന.
