സംസ്ഥാനത്ത് സ്വർണ്ണ വില വീണ്ടും മുകളിലേക്ക് . ഇന്ന് ഒരു പവന് 560 രൂപയാണ് കൂടിയത്. 53,440 രൂപ നിരക്കിലാണ് ഇന്ന് സംസ്ഥാനത്ത് സ്വർണ്ണ വ്യാപാരം നടക്കുന്നത്. ഒരു ഗ്രാം സ്വർണ്ണത്തിന് 70 രൂപ കൂടി 6680 രൂപയുമാണ് ഇന്നത്തെ നിരക്ക്. ഇന്ന് ഒരു പവൻ സ്വർണാഭരണം വാങ്ങാൻ പവന്റെ വിലയോടൊപ്പം 5 ശതമാനം പണിക്കൂലി, 3 ശതമാനം ജിഎസ്ടിയും ഹാൾമാർക്കിംഗ് നിരക്കുകൾ എന്നിവയെല്ലാം ചേർത്ത് ഏകദേശം 58000 രൂപ നൽകേണ്ടി വരും. 18 കാരറ്റ് സ്വർണ്ണ വില ഇന്ന് ഗ്രാമിന് 60 രൂപ വർധിച്ച് 5,555 രൂപയായി. ഇന്നലെ മാറ്റമില്ലാതെ നിന്ന വെള്ളി വില ഇന്ന് ഒരു രൂപ വർധിച്ച് 98 രൂപയിലെത്തി.
