തക്കാളി വില വീണ്ടും കുതിച്ചുയർന്നു. കിലോയ്ക്ക് 40 ല്‍ നിന്ന് ഒറ്റയടിക്കാണ് 60 ലേക്ക് എത്തിയത്. ഡല്‍ഹിയിലെ വിവിധ മാർക്കറ്റുകളില്‍ തക്കാളി കിലോയ്ക്ക് 60 മുതല്‍ 80 രൂപ വരെയാണ് നിരക്ക്. മഹാരാഷ്ട്ര ,കർണാടക തുടങ്ങിയ സംസ്ഥാനങ്ങളിലുണ്ടായ കനത്ത മഴ കൃഷിക്ക് നാശം വിതച്ചതാണ് വില കൂടാനുള്ള പ്രധാന കാരണം.
ഉപഭോക്ത്യകാര്യ മന്ത്രാലയത്തിന്‍റെ ഔദ്യോഗിക റിപ്പോര്‍ട്ട് പ്രകാരം വ്യാഴാഴ്ച ദില്ലിയില്‍ തക്കാളിക്ക് കിലോയ്ക്ക് 60 രൂപയാണ് നിരക്ക്. എന്നാല്‍, വിവിധ ലോക്കല്‍ മാര്‍ക്കറ്റുകളില്‍ നിരക്ക് കിലോയ്ക്ക് 75 മുതല്‍ 80 രൂപ വരെയാണെന്ന് ദേശീയ മാധ്യമങ്ങള്‍ റിപ്പോര്‍ട്ട് ചെയ്യുന്നു.
വില കുറയ്ക്കാനായി സര്‍ക്കാര്‍ മദര്‍ ഡയറി ഔട്ട്‍ലെറ്റുകളിലൂടെ കുറഞ്ഞ നിരക്കില്‍ തക്കാളി വിത്ത് വിതരണം ആരംഭിച്ചിട്ടുണ്ട്.
ഒക്ടോബര്‍ ഒന്നിന് തക്കാളി കിലോയ്ക്ക് 45 രൂപയായിരുന്നു . തക്കാളിക്ക് വിപണിയില്‍ വില കൂടുതലായത് കൊണ്ട് സത്ത് ഉപയോഗം പ്രോത്സാഹിപ്പിക്കാനാണ് സര്‍ക്കാര്‍ ആലോചിക്കുന്നത്. ഇതോടെ തക്കാളി വില കുറയുമെന്നാണ് കേന്ദ്ര -സംസ്ഥാന സര്‍ക്കാരുകള്‍ കണക്കാക്കുന്നത്.
