​ഗവൺ‍മെൻ്റ് ജോലി എന്ന സ്വപ്നം ഉപേക്ഷിച്ച് മണ്ണിലേക്കിറങ്ങി; ഇന്ന് പ്രതിമാസ വരുമാനം മൂന്ന് ലക്ഷത്തിനുമേൽ

​ഗവൺ‍മെൻ്റ് ജോലി സ്വപ്നം കണ്ട് നടന്ന യുവാവ് ആ സ്വപ്നം ഉപേക്ഷിച്ച് മണ്ണിലേക്ക് ഇറങ്ങി ഇന്ന് ലക്ഷങ്ങൾ സമ്പാദിക്കുന്നു. ​ഗുജറാത്തിലെ ധീരൻ സോളങ്കിയാണ് തൻ്റെ സ്വപ്ന ജോലി ഉപേക്ഷിച്ച് മണ്ണിലേക്ക് ഇറങ്ങിയത്. ​ഒരു അധ്യാപകനാവുക എന്നതായിരുന്നു ധിരൻ്റെ സ്വപ്നം. ആ ജോലിയിലേക്ക് പ്രവേശിച്ചിരുന്നെങ്കിൽ മാസം 30,000 രൂപ ആവും ശമ്പളമായി ലഭിക്കുക. എന്നാൽ ഇന്ന് ആ തുക മൂന്ന് നാല് ​ദിവസം കൊണ്ട് ധീരൻ സമ്പാദിക്കുന്നുണ്ട്. 2022 ലാണ് ധീരൻ തൻ്റെ സ്വപ്നം ഉപേക്ഷിച്ച് കർഷകനാകാൻ തീരുമാനിച്ചത്. പരമ്പരാഗത കാർഷിക രീതികളിൽ നിന്ന് വ്യത്യസ്തമായി, കഴുതകളിൽ നിന്ന് ഉപജീവനമാർഗം കണ്ടെത്താനാണ് അദ്ദേഹം ശ്രമിച്ചത്.

മുമ്പൊക്കെ, കഴുതകളെ പ്രധാനമായും ഉപയോ​ഗിച്ചിരുന്നത് കലപ്പകളും വണ്ടികളും വലിക്കുന്നതിനും സാധനങ്ങൾ വിപണിയിൽ എത്തിക്കുന്നതിനും കിണറുകളിൽ നിന്ന് വെള്ളം ശേഖരിക്കുന്നതിനും നിർമ്മാണ വ്യവസായത്തിലുമൊക്കെ പാക്ക് മൃഗങ്ങളായാണ് ഉപയോഗിച്ചിരുന്നത്. എന്നിരുന്നാലും, ഈ കഴുതകളെ പശു, എരുമ, ആട് തുടങ്ങിയവ പോലെ കാർഷിക മൃഗങ്ങളായി ഉപയോഗിക്കുന്നത് വളരെ അപൂർവമായി മാത്രമാണ്. എന്നാൽ ഇവിടെയാണ് ധീരൻ തൻ്റെ തീരുമാനം എടുത്തത്. കഴുതകളുടെ പാൽ വിറ്റു കൊണ്ടാണ് ധീരൻ നല്ലൊരു വരുമാനം മാർ​ഗം കണ്ടെത്തിയത്. ഒരു ദേശീയ മാധ്യമത്തിന് നൽകിയ അഭിമുഖത്തിൽ, കഴുത പാൽ ഒരു മറഞ്ഞിരിക്കുന്ന രത്നം ആണെന്ന് ധീരൻ പറഞ്ഞു.

അച്ഛനെ പോലെ ഒരു അധ്യാപകാനാവുക എന്നതായിരുന്നു ചെറുപ്പം മുതലേയുള്ള എൻ്റെയും സ്വപ്നം. അതിന് വേണ്ടി സയൻസ് വിഭാ​ഗം എടുത്ത് പഠിക്കുകയും ചെയ്തു. 2020 മുതൽ സർക്കാർ ജോലി ലഭിക്കാൻ പരീക്ഷകൾ എഴുതാൻ തുടങ്ങി. ഈ മേഖലയിൽ വളരെയധികം മത്സരമുണ്ടെന്ന് അറിയാമെങ്കിലും നിരവധി പരീക്ഷകൾ എഴുതി. റിസൾട്ട് വരുമ്പോൾ ഒന്നിലും തൻ്റെ പേരില്ല. ആറ് മാസമെങ്കിലും വെറുതെ ഇരുന്നു, എന്തുചെയ്യണമെന്ന് എനിക്കറിയില്ല, ധീരൻ പറഞ്ഞു.

”2021 ൻ്റെ തുടക്കത്തിൽ, കർണാടകയിലെയും കേരളത്തിലെയും കഴുത വളർത്തൽ ബിസിനസിനെക്കുറിച്ച് വായിച്ചത് . “ഈ ആശയം ഉത്തരേന്ത്യയിൽ ഒട്ടും പ്രചാരത്തിലില്ലാത്ത സമയം. രാജ്യത്ത് കഴുതപ്പാലിന് ആവശ്യക്കാർ കുറവാണെങ്കിലും തുർക്കി, മലേഷ്യ, ചൈന തുടങ്ങിയ രാജ്യങ്ങളിൽ ഇതിന് ആവശ്യക്കാരേറെയാണെന്ന് മനസ്സിലാക്കിയത്. പശുവിൻ്റെയും എരുമയുടെയും പാലിന് വില ലിറ്ററിന് 60 രൂപയായി കുതിച്ചുയർന്ന് ജനങ്ങളെ ബുദ്ധിമുട്ടിക്കുന്ന സമയത്ത്, 3,500 രൂപയ്ക്ക് വിൽക്കുന്ന കഴുതപ്പാൽ വാങ്ങാൻ അവർ താൽപ്പര്യപ്പെടില്ല. എന്നാൽ ഇതിന് ഒരു അന്താരാഷ്ട്ര വിപണിയുണ്ട്, കൂടാതെ മോയ്സ്ചറൈസറുകൾ, ബേബി ക്രീം, സോപ്പുകൾ തുടങ്ങിയ ഉൽപ്പന്നങ്ങൾ നിർമ്മിക്കാനും ഫാർമസ്യൂട്ടിക്കൽ, കോസ്മെറ്റിക്സ് വ്യവസായങ്ങളിലും കഴുത പാൽ വ്യാപകമായി ഉപയോഗിക്കുന്നു, ”ധീരൻ പറഞ്ഞു.

കഴുതപ്പാൽ രോഗപ്രതിരോധ സംവിധാനത്തെ ഉത്തേജിപ്പിക്കുകയും ദഹനനാളത്തിൻ്റെ സസ്യജാലങ്ങളെ നിയന്ത്രിക്കുകയും കോശജ്വലന രോഗങ്ങളെ തടയുകയും ചെയ്യുന്നുവെന്ന് 2020 ലെ ഒരു ഗവേഷണ ലേഖനത്തിൽ പറഞ്ഞിട്ടുണ്ടെന്നും പശുവിൻ പാൽ പ്രോട്ടീൻ അലർജി (സിഎംപിഎ) ഉള്ള കുഞ്ഞുങ്ങൾക്കും രോഗികൾക്കും പകരമായി ഇത് വളരെക്കാലമായി ഉപയോഗിക്കുന്നുണ്ടെന്നും അദ്ദേഹം പറഞ്ഞു.

കഴുത പാലിൻ്റെ ബിസിനസ് സാധ്യത മനസ്സിലാക്കി, ഗുജറാത്തിലെ പാടാൻ ജില്ലയിലെ തൻ്റെ ഗ്രാമമായ മനുണ്ടിൽ ഒരു കഴുത ഫാം സ്ഥാപിക്കാൻ ധീരൻ തീരുമാനിച്ചു. 2022-ൽ ഔദ്യോ​ഗിക പരിശീലനമൊന്നും നേടാതെ ധീരൻ TDS ഡോങ്കി ഫാം ആരംഭിച്ചു. ഇതിനായി 20 കഴുതകളെ വാങ്ങാൻ 37 ലക്ഷം രൂപ വായ്പയെടുത്തു 40×30 അടി ഷെഡ് സ്ഥാപിച്ചു. ഫാം ആരംഭിച്ചതോടെ വലിയ പ്രതീക്ഷയിലായിരുന്നു ധീരൻ. എന്നാൽ പാലിൻ്റെ ഷെൽഫ് ലൈഫ് കുറവുള്ളതിനെ കാര്യമാക്കിയില്ല. ഇതിന് ശരിയായ പ്രാദേശിക വിപണി ഇല്ലായിരുന്നു, ഇക്കാരണത്താൽ വിമാനം വഴിയോ കപ്പൽ വഴിയോ ദ്രാവക രൂപത്തിൽ വിദേശത്തേക്ക് അയയ്ക്കാൻ കഴിഞ്ഞില്ല. അതുകൊണ്ട് തന്നെ ആദ്യ വർഷം 3000 ലിറ്റർ പാൽ അഴുക്കുചാലിലേക്ക് വലിച്ചെറിയേണ്ടി വന്നു. 40 ലക്ഷം രൂപ വരെ നഷ്ടമുണ്ടായി. പാല് ഡ്രൈ പൗഡർ രൂപത്തിലാക്കി വിദേശത്തേക്ക് കൊണ്ടുപോകുക എന്നതായിരുന്നു ഏക പോംവഴി. എന്നാൽ ഇത് മനസിലാക്കി ഈ പ്രക്രിയ നടത്തി അനുയോജ്യമായ കമ്പനികളെ കണ്ടെത്താനും ധീരന് ഒരു വർഷം വേണ്ടി വന്നു.

“ പിന്നീട് ധീരൻ ഒരു മാർക്കറ്റിംഗ് കമ്പനിയിൽ നിന്ന് സഹായം തേടിയ ശേഷം ഉപഭോക്താക്കളെ കണ്ടെത്തി. അവരുടെ 3.5 ലക്ഷം രൂപയുടെ വാർഷിക പാക്കേജ് സ്വീകരിച്ചു. 50 കിലോ പാൽപ്പൊടിയുടെ ആദ്യത്തെ ഓർഡർ ലഭിച്ചു. അപ്പോഴേക്കും ധീരൻ 200 കിലോ പാൽപ്പൊടി സൂക്ഷിച്ചിരുന്നു. ഒരു കിലോ പൊടി ഉണ്ടാക്കാൻ 17 ലിറ്റർ പാൽ ആവശ്യമാണ്. രാജ്യാന്തര വിപണിയിൽ കിലോയ്ക്ക് 63,000 രൂപയ്ക്കാണ് ഇത് വിൽക്കുന്നത്. തുടക്കത്തിൽ തടസ്സങ്ങളും നഷ്ടങ്ങളും ഉണ്ടായെങ്കിലും ധീരന് ബിസിനസ്സ് വർദ്ധിപ്പിക്കാൻ കഴിഞ്ഞു, ക്രമേണ ധീരന്റെ ഫാമിലേക്ക് 50 കഴുതകളിലേക്ക് വ്യാപിപ്പിച്ചു. ഫാമിൽ നിലവിൽ പ്രതിദിനം 15 ലിറ്ററാണ് പാൽ ഉൽപ്പാദിപ്പിക്കുന്നത്.

തൻ്റെ ഫാമിലെ കഴുതകളുടെ പൊതുവായ ക്ഷേമവും താൻ ഉറപ്പാക്കുന്നുണ്ടെന്നും ധീരൻ പറഞ്ഞു. “കഴുതകളെ പാലിനായി ചൂഷണം ചെയ്യുന്നില്ലെന്ന് ഞങ്ങൾ ഉറപ്പാക്കുന്നുണ്ടെന്ന് ധീരൻ പറഞ്ഞു.